Overblog Suivre ce blog
Editer l'article Administration Créer mon blog

AYITI: FORCES POLITIQUES, FARCES POLITIQUES!

Yo toujou la pou fè tikomik
Nan lojik jwe fim' dramatik
Blan letranje pap sispann ri
Tipèp soufri ap kontre sousi

Pou anpil bèl promès
Legliz toujou fè lamès
Tant sa yo gen mès
Ni sa ki anwo a yo
Ni sa ki anba a yo
ap flanke n' estrès

Dlo ki sanble prop depi l' pase nan labou li chanje koulè
Depi ou pa bouke bwè l', li ape flanke w tout kalite doulè
Si nou ka rive nan fè rivyè tounen ravin
èske sòt pa leve bitasyon l' nan lespri n'.
gro dlo soti nan ravin, se tankou li te vini netwaye tout tichoz
Li bote tout afè n', kite jaden n' vid, bitasyon n' kale byen ròz.

Kisa nou ape fè
Nou ap abandone
Ou byen kontinye?
Non: Jamè ! Jamè !

Tout sa ki pa tiye n'
Dwe rann nou pi fò.
Konesans dwe sèl kle n'
Pou Libète oubyen lanmò

Ann sispann fè fanatik

pou tiklan ak pou tiklik

Tout ekip nou sipote, yo vann match la

Je nan Je y'ap mete gol nan kan pèp la

Par Jameson Primé
 AYITI: FORCES POLITIQUES, FARCES POLITIQUES!
Pour être informé des derniers articles, inscrivez vous :