Overblog Suivre ce blog
Editer l'article Administration Créer mon blog

“ Nan AYITI sa a ”

Tout ti Koken-volè

Gen politik bon kè
Pou fè lanmizè
manman sitirè

 

Tout kriminèl
Al devan lotèl
legliz promèt yo syèl
Depi yo fè l’ goute sèl

 

Tout machann dròg se prodiktè 
Pou promosyon yo chaje chantè
Politisyen pa nan neglije fè afè
Devan green bak lalwa pa lanfè

 

Jistis la a ap brase nan enjistis
Depi ou se malere ou pa ka jis
Ki mele Leta ou malsite ou tris
Legliz yo la, al frenk priye Kris

 

Ayayay! Nan Ayiti sa a
Ou wè tout salmanaza
Betiz kom Ekselans opouvwa
Kreten-Visye-Koken fè lalwa

 

Ledikasyon tounen rigòl
Ki ape bay anpil dlo dròl
Tijenn pa pran pawòl
Lajan jodi se sèl idòl

 

Mmm! Nan Ayiti sa a
Tout sa blan di se sa
Pèp san respè devan pouvwa
Ayisyen kisa n’ap fè ak sa a ?

 

(AYITITOTAN:SLM/SLG)

 

Pour être informé des derniers articles, inscrivez vous :